July 2011
14 posts
الوقت : 3 ونصف فجراً
الحاله : اضطراب - تشتت - تفكير - وبعض من الاشتياق والكثييير من ” العتب والشرهه ” !
الآن : صوت مشاعل مرتفع جدا وهي تصدح بأغنية اصاله ( قانون كيفك ) ,
تقول :
لك كيانك ولي كياني / ليه جامعني معك ؟
مما اخضع لقانون كيفك !
اعذرني يا تركي ( شاعر الاغنيه ) له كياني وله كيانه وله كل شي جامعتهم معه وخاضعه لقانون كيفه : / !
وللأسف ما اكون الا اللي يبيه ومقدر اكون انا رغم محاولاتي الفاشله : / !
تدري ي تركي ( شاعر الاغنيه ) احيان المحبه تكون مفروضه لا اردايا عليك ,
شي ماهو بيديك والمهم انك ما تقدر تسحب نفسك من هالمحبه بسهوله , ولو فرضاً
انسحبت راح تطلع بنتايج وخيمه من : جرح - عتب - شرهه - الم - ذكريات !
* ترجع وبعالي الصوت تقول مشاعل : الهوى احساس ليه ما تحس فيه ؟
آحيان من شدة مايكون الشخص منعمي باللي يحبه يجرده من كل شي حتى الاحساس ,
ويشوف فيه قساوة القلب وعدم الاهتمام فيه مهما حاول هالشخص يبين تعبه ومعاناته
من هالحبيب الا كأنه وبأختصار شديد ( يكلم نفسه ) !
تختتم مشاعل الاغنيه وهي تردد بصوت منخفض جدا :
سلطتك - رايك - هواك !
